((عندي شهود ))
سوووط عنج..
اسامة ود الفكي
جادين بعد غادر القرية مع الفجيرية وزبط الراس تمام دخل في بيت قريب من محل طرمبة ( البتاع )
ست البيت كوركت جارهم جاء ناطي بالحيطة لقي جادين طاشم فل وكمان ( ولايمكن الوصول اليه حاليا)
حضر البوليس وساق جادين النقطة بعدها حضر سيد البيت الي المخفر
العسكري فتح المحضر يازول الدخلك البيت ده شنو
جادين بعد عودة الشبكة قليلا الزول ده صاحبي
العسكري هل صحيح جادين ده صاحبك
سيد البيت باستغراب حرم مابعرفه ولا شفته في الحلة دي قبل كدي
جادين هوي يا جنابو الزول ده صاحبي وعندي شهود
العسكري خت القلم وقال لي جادين والله اول مرة اسمع بزول يقول هو صاحب زول وعنده علي ذلك شهود
امس في الجزيرة مباشر احمد طه بقول ليوسف عزت انتم لماذا تفرضون نفسكم علي الشعب السوداني وهو
كاره لكم بدليل ان الشعب واقف مع البرهان والجيش وانت شخصيا حيثما حللت قابلك الناس بالهتافات المضادة
تخيل رد ود عزت شنو نحن مايهمنا من يحبنا ومن يكرهنا نحن يهمنا هذا ( الشعب ) اي الشعب الواحد ده
المسكين ولازم نجيب ليه المدنية والديمقراطية
يعني ياود طه الناس دي بتحبنا رغما عن انفنا ومستعدة تجيب شهود علي ذلك
في حب يا اخوانا اكتر من كدى
في كلمة غير احبك ارددا
خلاص انا حبي فات اخر مدى.
About Author
للإنضمام الي إحدي مجموعاتنا علي الواتس اب اضغط علي الروابط