(( عمي لا ))
![](https://assyasi-sd.com/wp-content/uploads/2023/10/IMG-20231004-WA0155.jpg)
سوووط عنج
اسامة ود الفكي
موسي عم المضر وبحكم السن اصبحوا زي الاخوان طالعين نازلين مع بعض يعني ( فرد ) للاخر
يوم من الايام المضر مشي مشوار وترك عمه موسي في الحلة
تقوم ( شكلة ) جامدة بين الله جابو وموسي المضر جاء لقي الشكلة غبارها واقف قنا والله جابو ممسكن بعمه موسي ومحكم المسكة
المضر قرب لامن بقي لصق الاثنين وقعد اقول ليهم يا ناس الكلام ده عيب عمي موسي لا الله جابو لا يا ناس انتم اخوان
الله جابو جنح للسلم وفك مسكته لموسي وداير احكي للمضر الحاصل المضر امسك رقبة الله جابو سمح ( مسكة مانعة ) واقول لي الله جابو هوووي آكلب اوعااااك
البرهان الان انت ماسك زمام الامور في البلد وفي موقف القوي الذي يرجى منه
لكن بسماعك لكلام الاجاوديد ( الامارات برطانيا امريكا ) ومحاولتهم المستميتة لجرك الي مربع الجلوس مع القوي السياسبة ( ديييييك ) الانت عارفها ( ناس حبوبة عشة ) ومن لف لفهم وانت لك سابق تجربه معاهم قبل ذلك ماكسبت منها البلاد الا الدمار الماثل
والان زاد التردي في كل مناحي الحياة اصبح سيد الموقف
وهو بقطع الشك يخصم من رصيدكم الان الحوجة الي عمل ملموس يعيد للبلاد عافيتها
اما قصة سماع حكاوي الاجاويد زي ما قال ليك حميدتي ده شرك ام ( زيردو ) يوم اندرع في رقبتك ما بتسمع منهم غير آكلب اوعااااااك
About Author
للإنضمام الي إحدي مجموعاتنا علي الواتس اب اضغط علي الروابط