الثلاثاء. يوليو 23rd, 2024

(( حق السماية ))

سوووط عنج
اسامة ود الفكي

الطاهر مع الفلس الطاقيه والبلد عدمانه الشغلة تقوم زوجته تلد
الدنيا كبست عليه وضلمت في وشو
ماخلي قريب ولا معرفه ما دقه بابه داير حق السماية مالقي ولا التكتح والايام ماشية والاسبوع قرررب
في عريبي نازل في اخر الحلة اسمه ابراهيم والناس بالدس بقولوا ليه ( الاعور ) الطاهر اتوكل علي الله ومشي عليه وشرح ليه الحاصل تفصيلا
حاج ابراهيم قال ليه اتفضل وجاب ليه شاي بلبن ضان مقنن بعد ما الطاهر وصل للكباية التالتة عمك ابراهيم قال حرم غردك تب مقضي بديك خروف السماية بس بشرط تسمي الجنى ابراهيم
الطاهر من الفرحة قال ليه حرم اسميه ابراهيم وكمان اقد عينه عديييييل
اسي يا جماعة الخير ماتلوا ( قحط) في تغير الاسم من (قحط) الي (جوع )طالما طويل العمر حاج ود زايد الله يبارك فيه جاب خروف السماية ودفع تكاليف فندق اديس ونثريات السفر وحاجات تانية حامياني
حرم اسموه زي ماداير ابوه وامكن اقدوا عيونه الاتنين عديل كدي
* من لايملك حق السماية ماتسأله عن اسم المولود *

About Author

 للإنضمام الي إحدي مجموعاتنا علي الواتس اب اضغط علي الروابط

صحيفة السياسي (1)

صحيفة السياسي (2)

صحيفة السياسي (3)

صحيفة السياسي (4)

صحيفة السياسي (5)